GANGTOK: Sikkim te 75th Independence Day din te Border Roads Organisation (BRO) para Tricolour(India laga flag) toh 18,300 feet oper te thalishe koishe. BRO para Indian flag toh Dongkha La, Eastern Sector laga sobse ocha jaga te flag toh kulishe. “Tricolour toh Donkyala pass sobse katara jaga 18300 ft ocha te thalishe aro Eastern Sector laga sobse ocha jaga te aji India Independence 75th Anniversary din manishe,” koikena Ministry of Defence laga Principal Spokesperson, A Bharat Bhushan Babu para etu khobor toh janaishe. Etu oper te desh laga jaga pura te India laga security aro defence forces khan para be national flag othaikena thakishe. Etu samai Indo-Tibetan Border Police (ITBP) personnel para Tricolour(flag) loikena Ladakh te Pangong Tso Lake te thakishe, etu jaga toh 14,000 feet ocha thakishe koishe.
