ITANAGAR: Arunachal Pradesh chief minister Pema Khandu para State laga 4 jun police personnel ke police medal powa nemite kushi powa janaishe. Arunachal Pradesh Police personnel 4 jun laga nam top gallantry awards nemite junai toh President Ram Nath Kovind para75th Independence Day akhe din te junaishe. Arunachal Pradesh Police personnel kaun khan ke gallantry awards nemite saman kora nam toh deputy superintendent of police (DSP) Tab Techi, sub-inspector (SI) Raju Tayeng, sub-inspector (SI) Sushant Saurabh Jha aro CT Nokjo Wangpan ase. Khandu para koishe ke, State laga 4 jun police personnel para police medal powa nemite besi kushi ase. CM para tai khan laga kam te decidation aro bravery thika nemite dunyabad korishe. “ami khan laga police personnel para 75th Independence Day din te ‘Police Medal ForGallantry (PMG)’ jeta nemite besi kushi ase koikena Khandu para aro koishe. “DySP Tab Techi, SI Raju Tayeng, SI Sushant Saurabh Jha aro CT Nokjo Wangpan logote dunyaabad kori ase aro tui khan laga kam, dedication aro mon tangor thaka nemite besi kushi ase. Saturday din te Union Ministry of Home Affairs para junaishe ke, sob melaikena 1,380 police personnel ke 75th Independence Day din te medals thiboli koishe. Etu manuh khan ke President’s Police Medal for Gallantry, Police Medal for Gallantry, President’s Police Medal for Distinguished Service, aro Police Medal for Meritorious Services aro dosura besi ase koikena ministry para statement te janaishe. Indo-Tibetan Border Police para sob melaikena 20 personnel kaun khan para India aro China border eastern Ladakh te Army logot melikena guards korikena ahishe, tai khan ke saman korishe koishe.
Arunachal CM para 4 jun Police logot dunyawad thishe
