GUWAHATI: Trinamool Congress para Tripura aro dosura northeastern states te Sushmita Dev logot leadership thiboli neshina ase koishe. Former Lok Sabha MP aroAll India Mahila Congress chief Sushmita Dev para Congress Party jarikena Monday din Trinamool joined korishe. TMC Subal Bhowmik para koishe ke Dev para party te joined kora toh besi tangor development ase aro etu laga pithor te Tripura te ruling BJP logot larai kora samai party khan besi tangor kamyaab bapo. “Dev laga baba toh late Santosh Mohan Dev ase, tai para toh Congress laga tangor leader ekta thakishe aro tai para Tripura te 1988 saal te Congress-led government bonaishe. Santosh Dev toh Tripura te tui(2) paar (1989 aro 1991) te junishe, etu oper te Assam, Silchar te 5 paar junishe,” koikena Bhowmik para janaishe. Bhowmik aro dosura Congress leaders khan olop din akhe te TMC samil korishe. Tai para aro koishe ke, Dev para Trinamool te joined kora toh hoile West Bengal Chief Minister Mamata Banerjee logot melikena tangor kam koribo. Bhowmik para aro janaishe, Banerjee toh Prime Minister Narendra Modi logot larai koriboli ekta tangor leader ase. Etu din te Trinamool para koishe ke, “ami khan aji former President of All India Mahila Congress Sushmita Dev ke Trinamool family te welcome kori ase! Mamata (Banerjee) logot besas thaka nemite aji ami khan laga National General Secretary Abhishek Banerjee and Parliamentary Party Leader, Rajya Sabha, Derek O’ Brien osor te tai joined korishe”. Trinamool Twitter handle te Banerjee para Dev ke welcome kora noksa besi thikishe. State secretariat Nabanna, Kolkata te Trinamool supremo Mamata Banerjee logot meeting kora beche, Dev para media logot janaishe ke, Delhi te tai laga political kam korikena jaboli nemite janai thibo koishe. Agartala te Trinamool laga khobor hesab te koishe ke, Sushmita Dev para loikena party leaders khan para Tripura te party laga organizational kam korikena jaboli laga toh koboli ase koishe.
Sushmita Dev ke Trinamool chief thiboli koishe
