Wayanad: Congress leader Rahul Gandhi para tai laga parliamentary constituency Wayanad te tui(2) din nemite visit kora samai Monday din Father of the Nation laga statue Gandhi park te kulishe. Etu samai Gandhi para tai teachings yath korikena koishe ke tai nemite eku nai hoile tai laga jevan samai kahani besi ase. “ami khan ketai tai laga statue sabo, ami khan para Mahatma Gandhiji ekla ke yath nakori, hoilebi tai laga kam aro tai thakai jeevan yath ahi,” koikena Congress leader para Mananthavady, K K R Vergara te statue kula samai manuh logot koishe. Gandhi laga teachings nemite kotha kora samai, tai para koishe Mahatma Gandhi sobse tangor kam toh tai para ke koishe etu kam toh tai para koikena ahishe. “jodi India toh ekta tolerant country ase koile tai para etu hesab te kam korishe. Jodi tai para India te maiki manuh ke respect thiboli ase koishe koile, tai para maiki manuh ke respect korishe. Tai para India toh secular county hoboli lage koishe koile, tai nejor para etu hesab te kam korishe,” koikena former Congress president para manuh logot janaishe. Gandhi toh aji pujur Kozhikode te ahishe aro students khan logot khana kaishe koishe. “eman jawan chokra aro chokri manuh laga hopes aro aspirations toh ke hoile be pachaikena rakibo, aro etu ami laga kam ase,” koikena Rahul Gandhi para tai laga Facebook Page te lekishe. Tai para etu manuh logot melikena khana kai thaka laga noksa toh be shared korikena Kattunayakan tribal group logot koishe ke, “ami besas ase ke ek din toh hoile country te sobse tangor judicial offices thuribo,” koikena janaishe.
Add Comment