New Delhi: India te ek din pithor te sobse besi 88.13 lakh vaccine doses India desh pura te thishe, koikena government para khobor toh janishe. Health Ministry koishe ke, itya dak te India pura te vaccination soruh hoikena 55crore 47 lakh vaccine doses thikena ase. India te 24 gonda pithor te 166 notun cases aro thurishe, etu 154 din pithor te sobse komti cases ase. Active cases toh taotal cases te 1.15 per cent , aro etu jowa saal March moina beche sobse komti cases ase. Itya dak active caseload toh 3.69 lakh te ase. Union Health Minister Mansukh Mandaviya para koishe ke, “India te sobse besi ek din pithor te COVID-19 vaccine doses thura thakishe. Jowa kali duniyaa te India te sobse tangor vaccine drive thakishe. Dunyawad thi ase.” Union Home Ministry khobor hesab te, India te COVID-19 vaccine sob melaikena 55 crore pongchise. Ami khan sob melaikena India te coronavirus logot larai koribo. Sob manuh vaccine maribo,” koikena Mandaviya para Monday din te janaishe. Ministry para koishe ke, 5 states Madhya Pradesh, Gujarat, Rajasthan, Maharashtra aro Uttar Pradesh te 1 crore doses COVID=19 vaccine toh 18 para 44 umer manuh logot thikena ase. Etu oper te Andhra Pradesh, Assam, Chhattisgarh, Delhi, Haryana, Jharkhand, Kerala, Telangana, Himachal Pradesh, Odisha, Punjab, Uttarakhand aro West Bengal te 10 lakh manuh 18-44 umer logot 1st doses COVID-19 vaccine thikena ase.
Record: India te ek din pithor 88 lakh doses thishe
Add Comment