Maharashtra malls te 18 umer laga proof thikaboli koishe

Mumbai: Maharashtra government para fesla loishe ke, 18 umer dak kaun COVID-19 vaccine loikena nai, tai khan para shopping malls visit kora samai valid age proof thikaboli janaishe. State government para kaun manuh full vaccine loikena ase etu manuh khan nemite shopping malls visit koriboli manishe aro hotai din10 PM dak kula thiboli koishe. Government order hesab te koishe ke, break the chain” pithor guidelines te koishe ke, 18 umer dak logot vaccine thiboli aro soruh howa nai, etu nemite tai khan laga proff neshian Aadhaar card, Income Tax department para issue kora PAN card, valid school nahoile college identity card te date of birth thakina malls pithor te jaboli paribo koishe. Shopping malls sob te 10 PM dak hotai din kam koribo aro etu samai customers/citizens, employees, managers aro housekeeping staff khan tuita(2) dose lowa laga final vaccination certificate toh loikena jaboli lage, koikena Government of India para janaishe. Customers sob para tai khan laga final vaccination certificate te photo identity proof toh malls entry point te thikaboli koishe. Maharashtra government para COVID-19 relaxation nemite malls, restaurants, spas aro gymnasiums toh 10 PM dak kuliboli manishe aro etu samai 50 per cent capacity te staff khan COVID-19 vaccines tuita(2) dose lowa beche manibo koikena khobor para janaishe.