India para Afganistan laga halat sai ase

New Delhi: Afghanistan te Taliban para Kabul kapza kora nemite India para halat toh besi bhal para sai ase, koikena Tuesday din External Affairs Minister S Jaishankar para janaishe aro koishe ke, Government of India toh Kabul te Sikh aro Hindu community leaders logot khobor loi ase. Mr Jaishankar para koishe, “Kabul laga halat toh besi bhal para sai ase. India te manuh wabas ahiboli nemite be sai ase, Airport operation toh sobse tangor kam ase, etu nemite partners logot kotha koriase.”  Ministry of External Affairs para special Afghanistan cell bonaikena ase aro melikena dosura countries logot khobor loi ase keli koile Taliban para Kabul kapza kora beche security halat toh neji kerikena ase. Monday din MEA spokesperson Arindam Bagchi para junaishe ke, helpline number – 919717785379 aro address MEAHelpdeskIndia@gmail.com te motob loboli janaishe. Sunday din Taliban khan Kabul te ahikena presidential palace toh kapza korikena ase. Afghanistan laga halat te, United Nations Security Council (UNSC) para Monday din te sob hostilities aro establishment te notun government para loikena thaka toh inclusive aro representative para rokaboli koishe. Press statement te UNSC President TS Tirumurti para koishe ke, Security Council laga members para Afghanistan te larai kori thaka toh joldi rokiboli koishe aro security, civil aro constitutional order bonaboli janaishe.