Puneri Paltan jetise Haryana Steelers logode

Agencies, 09 October: Monday rati Vivo Pro Kabaddi Season VI deh Puneri Paltan pora haraidese Haryana Steelers logode 34-22 pora. Puneri Paltan nemide Nitin Tomar pora seven points score kora thakise aro G B More aro Deepak Kumar Dahiya pora six aro five points score kora thakise. Haryana Steelers nemide khali Vikas Kandola pora 8 points score kora thakise. Tusara khan konbe score koribole paranai. Haryana Steelers khan 7 minute majode tuita-tuita points loi kena 4-2 led kora thakise. 7^th minute laga match deh Puneri Paltan defence pora first points score kora thakise. 13 minute bechide Haryana Steelers toh 7-6 pora agae de thakise. Haryana’s defence karni Surender Nada pora tuita points lowah thakise. First match deh tuita team be moribo nahoile bachibo koi kena khela thakise. Etu pora score de komti howah ase. Nitin Tomar pora tuita point lowah time deh Puneri Paltan toh 19^th minute deh 14-8 pora agae thakise. First half laga last fibe minutes deh Puneri Paltan pora khel olda kori deya thakise. Tai khan Haryana’s laga ekala points de saijaile eight straight points pora agae deh thakise. Second half time deh Haryana Steelers khan ektum phal pora suru howah thakise. Tai khan five points loi kena 14-18 pora agae deh thakise. Nitin Tomar logode alag idea thakise. Tai 27^th minute time deh tuita points loikena 20-14 led korideya thakise. Game deh Puneri Paltan khan control koribole parise. 36^th minute deh Pune toh 30-17 pora agae deh thakise. Khel time deh Nitin Tomar toh jokhom pai kena thakise. Hoilebe tai khel deh nachari kena khela thakise. 19th minute deh Tomar pora Pune logode motob kora time deh Haryana khan toh aro recover koribole napara thakise.