KOHIMA, OCTOBER 9 : Outreach Programme laga 4th aro Final wala toh October 9th 2018, Raj Bhavan te manaise. Etu time te kotha kurikena Nagaland Governor, Shri PB Acharya pora etu Child Care Institutions laga bacha kan ke “apuni kan toh ekela (alone) nahui, kele Isor aro ami kan sob apuni kan osor te ase” (“You are not alone, God is with you, we are with you” ) koi kena janaide thakise.
Etu 86 bacha kan 8 ta Institutions laga kobi Mon, Longleng, Kiphire, Tuensang, Zunheboto aro Mokokchung Districts kan ami kan state laga kan ke kotha kurikena Governor Acharya pora etu bacha kan ke duniya te neju zinda thaka time te bhal adat aro neum julai kena thakibole kuribi koi kena janaise. Aro tai bi etu bacha kan ke neju laga babuna te bhal te punjibole karne kitab bhal te buribi aro kam kan ke mon de kena kam kuribole kuribi koi kena janaide thakise.
DSP aro Olympian, Smti Chekrovolu Swuro aro ADC Kiphire, Shri Reny Wilfred, IAS, 2 jun porabi etu din te kotha kurise. Aro etu bacha kan nemite bhal kotha kan janaide thakise koise. Aro alak-alak Presentations kan Mt Carmel Children Home, Sukhalu, Zunheboto; Shalom Children Home, Kiphire; Langsa Hill Children Home, Mon; Evangel Mission Children Home, Longleng; Care aro Support Children, Mokokchung; Bethel Children Home, Tuensang aro Kohdi Children Home, Tuensang pora dekhaidese aro janaidese koise.
Etu din laga Programme te Chairperson toh Smti Jochule thakise. Aro tai pora etu 4 din Outreach Programme mana ke 527 jun bacha aro caregivers kan melekena thakise. Etubi 38 ta Khor kan ami kan state laga sob Districts pora melekena. Tai bi etu Outreach Programme toh Governor Acharya pora suru kurikena manabole kura laga ase. Aro etu Programme toh State Child Protection Society, Child Protection Service, Department of Social Welfare logot melekena Raj Bhavan pora ula laga ase (organized) koi kena janaide thakise.
Add Comment