KOKRAJHAR: Assam Chirang district te flood para affected hoikena relief camps te bohi thaka toh 113 families te melaikena 538 manuh neshina ase koishe. Etu manuh pithor te bacha, pregnant maiki, pura, puri aro bemari manuh khan samil ase. Thursday din Assam cabinet minister UG Brahma, Sidli MLA Joyanta Basumatary aro UPPL working president Rwngwra Narzary para relief camps toh visit korishe. Leaders khan para etu affected manuh logot kotha koikena joldi para motob thiboli wada korishe. Media logot kotha kora samai, Chirang district minister, UG Brahma para koishe ke, “ami khan Chirang DDMA logot kotha koikena bacha, pregnant maiki, pura, puri aro bemari manuh khan nemite special measures para motob thiboli koishe, etu te bacha nemite milk, food, potable drinking water aro sanitation facilities thibo,” koikena janaishe. Olop din akhe te paani besi kera nemite Bhutan hills para paani ahikena Chirang district te bosti besi beya hoikena ase. Sidli MLA Joyanta Basumatary para janaishe ke, ‘etu hatsa toh Government logot koikena compensation aro rehabilitation joldi te arrange koriboli koishe. UPPL working president Rwngwra Narzary para koishe ke, “chief minister para tai laga document te Assam flood free koriboli koikena thaka neshina koribo. Etu jaga toh neglect koriboli nahoi, keli koile manuh laga jevan aro janwar toh saboli lage”.
Chirang district te Minister UG Brahma para relief camps visit
