AIZAWL: Mizoram laga Champhai district te Assam Rifles troopers para besi tangor kamyaab howa te illegal foreign cigarettes thurishe koishe. Etu foreign cigarettes toh hesab kora hesab te Rs 6.5 crores oper daam laga ase. “etu kam toh Assam Rifles aro Customs department Champhai joint team korikena khobor powa hesab te thura ase,” koikena Assam Rifles laga statement hesab te janaishe. Statement te koishe ke, “foreign origin cigarettes thura laga daam toh market te Rs. 6,52,60,000/- ase aro etu saman toh Customs Preventive Force Champhai,” hath te pongchaise. Mizoram laga Champhai district pithor Ruantlang aro Kelkang- Khaungleng rasta te operation thaka samai foreign cigarettes toh 502 cases neshina thurishe. Etu saman thura connection te tin(3) jun manuh samil howa khan ke be thurishe. “Mizoram state te drugs smuggling kam jai thaka toh besi tangor bapana ase aro etu besi wala toh India-Myanmar Border te ase,” koikena Assam Rifles para janaishe.
Mizoram te Foreign cigarettes Rs 6.5 crores daam thurishe
