UP toh 1st state hoishe ke 7 Cr Covid tests loishe

August 20, 2021: Uttar Pradesh toh country te 1^st state ase ke 7 crore Covid tests oper loishe. Government laga spokesperson para koishe ke, “World Health Organisation para Uttar Pradesh te testing protocol lowa toh ek din te 32,000 tests loi thakishe koishe, etu oper te state laga Covid testing average toh ek din te 2.5 lakh tests toh olop hafta akhe te loikena ase.” Etu samai, Thursday din Uttar Pradesh te notun 29 Covid positive cases aro 35 jun bemar bhal howa khobor paishe, etu sob melaikena state te itya active cases toh 407 te ase koishe. Etu cases toh 16 districts para thura ase aro Lucknow te sobse besi 5 cases khobor paishe. Banda aro Bulandshahr districts te be ekta-ekta bemar para mora khobor thakishe. “Uttar Pradesh te bemari cases control koriboli parai toh hoile, etu jaga te testing toh mon thikena kora nemite ase,’ koikena spokesman para janaishe. Thursday din ekla state te .36 lakh oper tests loishe. Hoilebi olop din akhe te jarikena, Uttar Pradesh te ek din laga average toh 2.3 per cent ase aro ek din te 2.5 lakh tests loi thakishe. Samples tests lowa laga hesab te positive case toh itya state te 39.9 tests per positive case ase,” tai para koishe. Tai para aro janaishe ke, second wave Covid-19 soruh howa beche rural jaga te 70 per cent tests loikena ase koishe. Yogi Adityanath government para 73,000 surveillance committees bonaikena itya 97,941 bosti te aro sob 75 districts te kam toh korikena jai ase aro etu May 5 darik para kam kora soruh hoishe. Ami khan para rural households te 100 per cent pongchiboli target kori ase,” koikena tai para etu khobor toh aro janaishe.