IMPHAL: Manipur te te rathi samai COVID curfew to toh aro othaishe. “rathi samai curfew toh 6 PM para loikena pujur 5 AM dak besi strict te ase,” koikena order te janaishe. Manipur government laga home department para Notun order hesab te curfew toh 15 din nemite August 23 darik para loikena September 6 darik dak thakiboli janaishe. “Health Department para vaccination, contact tracing aro testing samai extra manpower, mobility support aro IEC-Advocacy thakibo,” koikena order te janaishe. Etu samai, Manipur government para “establishments besi bondh hoikena manuh besi dukh howa nemite” olop relaxations thakiboli janaishe. “sob dukan neshina construction material, hardware, electrical items, cement, stationery etc aro Paona Bazaar aro Thangal Bazaar bahar te dukan thakai toh 7 AM para 2 PM dak kula thakibo. Shopping malls toh bondh thakibo,” koikena order para aro janaishe. “local vegetable vendors toh 7 AM para 2 PM dak hotai din kula thakibo. Vegetable dukan toh District Administration para marked kori deya neshina manuh pithor 6 feet thur te bohibo aro etu samai mask lakaina bohiboli janaishe. “Local grocery dukan toh 7 PM para 2 PM dak kulibo aro etu samai fish, poultry aro poultry saman beka toh 8 AM para 2 PM dak kulibo. Dukan te milk aro fresh milk saman toh hotai din 6 AM para 9 AM dak kula thakibo,” koikena khobor toh aro janaishe.
Manipur te rathi samai curfew aro othaishe
