GUWAHATI: Covid-19 cases komti howa nemite, Tripura government para colleges aro hostels toh August 25, 2021 darik para kuliboli manishe koishe. State government para Standard Operating Procedures (SOP) toh educational institutions te issued korishe. Sob manuh safety nemite, state government para koishe ke, colleges para teaching samai teachers aro students nemite kaun toh hoshari neum hobo etu jolaboli janaishe. Higher Education Director NC Sharma para notification issue kora te etu educational institutions heads logot guidelines toh maniboli janaishe. Principals aro Principal in-charges para Tripura Colleges aro Hostels toh pura sanitization koriboli koishe aro etu oper te students, faculty, staff aro visitors para COVID-19 hoshari neum toh jolaboli janaishe. Institutions sob laga Heads aro faculty para students nemite extra tutorial classes arrange koriboli koishe, keli koile bemari para academic session besi noksen hoikena ase. Principals aro Principal in-charges para students laga seating arrangement toh sob manuh laga safety nemite seating arrangement toh bonaboli koishe. Tripura Colleges aro Hostels laga teaching aro non-teaching staff toh kam kora sob din te Physical attendance thakiboli janaishe. Jodi Tripura Colleges aro Hostels te teachers nemite jaga nathakile, besi important ase ke institutions para dosura rasta pesariboli koishe. Tripura Colleges para classes toh alternative days te samai toh saikena alag-alag batches te attendance thakiboli koishe.
Tripura te August 25 para Colleges aro Hostels kulibo
