September 1, 2021. Assam Medical College & Hospital (AMCH) te Oil India Limited (OIL) laga hath para liquid oxygen tank 40,000 litres (40kl) capacity paishe koishe. Liquid oxygen tank toh AMCH laga super-specialty building osor te installed korishe. Northeast’s first medical college aro hospital te liquid oxygen reservoir capacity toh 80,000 litres (80kl) te othishe. Olop din akhe liquid oxygen tanks 20,000 liters (20kl) toh AMCH te installed korishe. AMCH principal cum chief superintendent Dr. Sanjeeb Kakati para koishe ke, dosura liquid oxygen tank 20,000 litre capacity toh olop din thaka beche medical college te installed koribo aro etu melaikena oxygen reservoir toh 1 lakh liters thakibo. Tai para aro koishe ke, tuita(2) oxygen generation plants toh AMCH te installed koriboli ase aro etu para sob melaikena medical college te oxygen generation plants toh jarta(4) thakibo. Etu saal April moina te former health minister aro tai laga chief minister Himanta Biswa Sarma para tuita(2) oxygen generation plants toh AMCH te hotai samai nemite 1.8 MT capacity bonabo nemite aro 208 jumbo cylinders bonaishe. “ami khan itya aro tuita(2) oxygen generation plants toh AMCH te bonai ase. Ekta toh super-specialty building te installed korishe aro ekta toh pediatrics department te bonaishe, ketai etu jalo hobo nejor para oxygen delivery system thakibo. “liquid oxygen toh pipelines para supply kora nemite ketaiba toh technical problem thakibo. Etu samai, ami khan para oxygen cylinders stock te rakina thaka toh jolabo. Oxygen cylinder filling plant AMCH te bonai thaka toh joldi kotom hobo aro etu laga capacity toh hotai 30 oxygen cylinders fill koribo,” koikena AMCH chief para khobor toh janaishe.
Add Comment