Headlines

HE Department te 87 jun andashte ana hataidebi

October 10, 2018

DIMAPUR, OCTOBER 10 : Public Service Aspirants of Nagaland (PSAN) aro Nagaland Net Qualified Forum (NNQF) pora 87 jun kan Higher Education Department laga ke andashte kam nemite andashte anediya karne chulti pora ulaidebi aro hataidebi koi kena janaise.

8TH October, 2018, No.HED/RTI-1/2017-18/919 te Assistant Professor post laga nemite anediya hisabte etu 2 jun Organisation pora kotha janaise. Etubi Higher Education Department laga alak-alak subjects post nemite anediya karne. Etu ke etu 2 jun Organisation pora 101 Posts kan thaka majutte khali 14 ta Posts toh NPSC Exam de kena anedebole kurise. Aro baaki tusera 76 toh eku khobor nakurikena anedese, 3 ta toh Post khali thaka hisabte (Vacancy), 2 ta toh Study leave nemite jaijaa karne hisabte, 2 ta toh anedebole thaka ke ane nathaka karne, 1 ta toh hatijaa karne jaka khali thaka hisabte aro 3 ta  toh Promotion hua karne jaka khali thaka kan nemite thakise koi kena janaise.

NNQR aro PSAN porabi 52 jun logot etu Assistant Professor nemite anediya toh NET/SLET nahuile PhD nathaka kan ase. Huilebi UGC Regulations laga hisabte etu Assistan Professor nemite komti Qualification koilebi etu NET.SLET nahuile PhD thakibole lagi koi kena ase koi kena janaide thakise. Kele etu porahi Univesities aro College te bhal Teachers kan thaka hobole nemite koi kena.

Etu 2 jun Organisation porabi 06-06-2016 sal laga Office Memorandum bi janaide thakise. Etubi etu Memorandum hisabte khushi etu Teacher post nemite anedebole kura kan nemite sob baan kuridebole hisabte manaise koi kena.

Etu oporte tai 2 jun bi Minister of Higher Education ke etu chamala nemite sabole janaise. Etu ke tai 2 jun 6th June, 2016 pora suru kurikena aji dak khushi etu Post nemite anede kena thaka kan sob chulti pora aro edia porahi hataidebole kuribi. Aro etu jaka khali thaka kan laga khobor toh Advertisement te khola-kholi pora janaidebole kuribi koi kena janaide thakise.

Etu 2 jun porabi Minister of Higher Education ke  (to be recruited within the year 2018-19) vide notification No. HE/ESTT/2-6/207 and Office Memorandum No. CAB 2/2013, SSL. No 5, dated 4th July 2018, te 68 ta notun Post ulai kena thaka toh NPSC ke Advertisement te pora ulaidebole karne chulti pora janaidebole kuribi. Nahuile tai kan thik pora husir laga kotha manabole kura hobo koi kena janaide thakise.