Firozabad te 105 notun dengue cases paishe

Firozabad: Sunday din te 105 manu dengue bemar hoikena government medical college UP’s Firozabad te admitted korishe, etu bemar para state te 51 manu morikena ase koishe. Sunday din manu mora khobor thakai nai, etu samai village panchayat official ke kam bhal para nakora nemite suspended korishe. Medical college laga principal, Dr. Sangeeta Aneja para koishe ke, “aji 105 notun dengue bemar manu admitted korishe aro etu samai 60 jun bemar bhal hoishe.” Itya dak 447 bemar manuh alag-alag wards te admitted hoikena ase, tai para janaishe. “ity dak te bemar para 51 jun morikena ase aro 24 gonda pithor te bacha kaun be medical college te morikena nai.” Etu samai aro, Massena bosti laga panchayat development officer, Deepak Yadav ke suspended korishe, koikena district administration para janaishe. Nodal officer Sudhir Kumar Bobde para be Sudama Nagar aro Ailan Nagar te jaikena halat toh saishe aro jodi dengue hoile joldi te Health Department logot khobor thiboli janaishe. Tai para public logot paani besi jama nakoriboli koishe. Pragatisheel Samajwadi Party (Lohia) chief Shivpal Singh Yadav para be medical college te jaikena bemari manu ke lok paishe. Shivpal para reporters logot koishe ke, 200 manu nehina dengue aro viral fever hoikena hotai din hospital te ahi thaki janaishe. “itya samai beds komti ase aro tawai deya toh bhal quality nahoi,” koishe. Firozabad toh Agra para 50 km neshina jaikena ase aro state capital Lucknow para 320 km ase aro etu jaga te dengue aro viral fever toh olaikena tui(2) hafta neshina hoi ase aro bemar toh besi wala bacha khan ke thurikena ase. Konuba cases toh aro osor Mathura, Agra aro Mainpuri te be thurikena ase, koikena officials para janaishe.