GUWAHATI: River Brahmaputra oper te bridge bonai thaka Majuli district para Assam, Jorhat district dak te laga toh November moina para soruh hoboli junaishe. Etu khobor toh Thursday din Assam chief minister Himanta Biswa Sarma para koishe. Etu khobor toh Wednesday din Brahmaputra te Majuli-Nimatighat paani rasta te accident howa beche next din te Assam chief minister para junai thishe. Etu boat hatsa te 1 jun morishe aro tui(2) jun manuh napaikena ase. CM Sarma para bridge bonaboli toh November moina para soruh koriboli koishe, hoilebi bridge laga design khobor toh roki ase. “ketai bridge laga design toh Centre para approved koribo, bridge toh November moina para soruh koribo,” koikena CM Himanta Biswa Sarma para aro koishe. Assam CM para aro janaishe ke, 8 km lamba Majuli bridge toh Rs 925 crore estimated te bonabo aro etu kotom hoboli komti hoilebi 4 saal lakibo koishe. Khobor hesab te itya dak Majuli-Jorhat bridge nemite foundation stone toh tui(2) paar lakaina ase. Etu nemite 2016 saal Assam Assembly elections samai nion minister Nitin Gadkari para Jorhat and Lakhimpur via Majuli bridge nemite foundation lakaishe. 5 saal beche etu bridge nemite, Prime Minister Narendra Modi para be February 2021 saal, Assam Assembly polls akhe te foundation stone lakai- thikena ase koishe.
November moina para Majuli bridge bona soruh
