JORHAT: Assam Majuli district te boat accident howa beche, state government para state te private boats peraboli bondh korishe. Etu tangor khobor toh Assam chief minister Himanta Biswa Sarma para boat accident kora jaga te jaikena vist kora samai junaishe. “aji para private boats peraboli bondh koribo, keli koile etu boats te marine engine nai,” koikena Assam CM Himanta Biswa Sarma para janaishe. Hoilebi, CM Sarma para ekta option private boats logot thishe ke, etu private boats malik khan ke engine toh marine engine te bonaboli manishe. “jodi malik khan para single engine toh marine engine te putli koriboli mon thakishe koile, Government of Assam para grant Rs 10 lakh toh 75% subsidy thibo,” koikena Chief Minister Sarma para janaishe. Tai aro koishe ke, “boats te kam kora manuh khan ke check-ups nemite SoP issue korib.” Tai para aro koishe ke, itya para toh, 4 IWT boats para Kamalabari aro Nimatighat jaga pithor te service thibo aro joldi para besi boats Majuli te ahibo. Assam chief minister para aro janaishe ke, River Brahmaputra te Majuli te Kamalabari aro Jorhat te Nimatighat jaga te navigational channel toh pesaribo. “saak pura Ro-Pax service beya nahoboli nemite Kamalabari & Nimati Ghat te navigation channel te kam korikena jabo,” etu khobor toh aro CM Himanta Biswa Sarma para janaishe.
