GUWAHATI: Assam te alag-alag road accident te komti hoilebi 7 jun mora khobor paishe. Friday rati Kamrup (Rural) district, Baihata Chariali te ambulance ekta para tempo logot jaikena mara te 4 jun manuh morishe aro dosura 8 jun jokom hoishe. Etu samai tui(2) jun spot te morishe aro tui(2) jun hospital te loikena jaishe, koikena police officer para khobor toh janaishe. Jokom powa manuh pithor te ambulance driver ke Gauhati Medical College & Hospital (GMCH) te admitted korishe. Dosura accident khobor te, car ekta para motorcycle te marishe atu beche jaikena aro dosura car opposite direction Amjonga jaga, Dudhnoi police station osor Goalpara district te Friday rati hoishe. Motorcycle te tin(3) jun manuh pithor te tui(2) jun toh morishe aro dosura manuh toh hospital te serious te loikena jaishe. Aro dosura accident ekta te, Guwahati, Silpukhuri jaga te truck ekta para bike logot marikena etu manuh toh morishe koishe.
Assam: Road accident te 7 jun morishe aro 9 jun jokom khobor
