AGARTALA: Tripura chief minister Biplab Deb para olop din akhe state te jamila ola nemite tangor kotha koishe. State te olop din akhe te jamila ola nemite tai para CPI-M logot putnam korishe, Tripura chief minister Biplab Deb para koishe ke, state te peace aro prosperity toh opposition party para beya kori ase. Biplab Deb para janaishe ke, “jowa 3 saal akhe te, Tripura te peace & prosperity thakina law & order halat besi bhal thakishe, hoilebi, itya political opposition CPM para loikena etu sob beya kori ase.” “tai khan political ground te kamyaab hoboli mon thaka nemite Tripura te jamila kori ase,” koikena Deb para aro janaishe. Tripura CM para aro koishe ke, state te political jamila toh ketai be maaf nakoribo. “notun Tripura te ami CPM logot koi ase ke, etu neshina political neum toh manu para maaf nakoribo,” Deb para koishe. Tai para aro janaishe ke, “sobse bhal toh law hesab te etu manu khan ke pesarina thuribo aro sajai thibo. BJP led government para peace rakibo.” “media office te be hamala kora laga khobor honikena ase. Media toh democracy laga fourth pillar ase aro sob manu para respect koribo lage. Etu hamla kora manu khan ke pesarikena sajaa junai thibo,” koikena Tripura chief minister para aro koishe.
CM Biplab Deb: CPI-M para peace aro prosperity beya kori ase
