Bengaluru Bulls aro U Mumba jetise

Agencies, 11 October: Pawan Kumar pora 20 points mara karni Bengaluru Bulls toh Tamil Thalaivas logode 48-37 pora jetibole parise. Second half time deh jokhom pai kena thaga karni Pawan toh tai laga team logode motob koribole paranai. Hoilebe tai besi phak points toh loi-loi kena thakise. First 10 minutes kothom nahowah agae deh khel ektum gorom gorom thakise. Pawan pora five-points aro lowah time deh Thalaives khan aro recover koribole na-para thakise. Ajay Thakur pora 37 raid points laga deh 20 off mara thakise.  PKL deh 500 raid points pongja Kashiling Adake toh match deh 9 points lowah thakise. Etu pora Bengaluru Bulls team jetibole parise. Thalaivas nemide etu par hara toh third par ase. Wednesday din the Vivo Pro Kabaddi Season VI laga deh U Mumba jetise Jaipur Pink Panthers logode 39-32 pora. U Mumba nemide Siddharth Desai pora 13 raid points marise aro etu toh tai khan laga star performance ase. Tai logode support kora toh Rohit Baliyan thakise seven raid points pora. Jaipur Pink Panthers nemide etu toh first game ase beya howah. Tai khan first half pora beya howah thakise. Anup Kumar pora Jaipur Pink Panthers nemide khali jarta points thakise aro Deepak Hooda pora khali tuita points lowah thakise. Jaipur Pink Panthers khan six minutes bechide 7-2 pora agae de thakise. Next minute deh Rohit Baliyan pora tuita points lowah time deh U Mumba toh 4-7 de thakise.