GUWAHATI: Assam te schools toh class 10 nemite September 20 darik para aro kuliboli ase koikena khobor janaishe. Class 10 nemite aro schools kuliboli toh Thursday din Assam cabinet para manishe. Assam education minister Ranuj Pegu para koishe ke, “cabinet para fesla korikena class X nemite physical classes toh September 20 darik para aro kuliboli koishe.” Khobor hesab te higher secondary aro final semester nemite TDC final year classes toh September 6 darik para kulikena ase. Etu samai, Assam education minister para aro janaishe ke, dosura classes nemite schools kuliboli toh state te COVID-19 saikena aha 10 din pithor te khobor toh janai thiboli koishe. Pegu para koishe, “jodi Assam te COVID halat toh aha 10 din majot te bhal hoile, dosura classes nemite schools aro kuliboli fesla toh janai thibo.” “ami parents aro students sob logot kuboli mon thaka toh physical classes aro soruh hoboli thaka nemite ready thakiboli lage,” tai para aro koishe.
Assam te September 20 para Class 10 schools kulibo
