Baramulla: Uri jaga Baramulla district te September 18-19 rathi samai Line of Control (LoC) osor te konuba manu perai thaka laga suspect khobor paishe, koikena PRO Defence, Srinagar para janai thishe. Hoilebi, exact jaga Uri te suspect te perai thaka toh khobor nai. Etu nemite Srinagar te PRO Defence para jaga toh sai ase koishe. “etu jaga te search operation toh jai ase,” koikena PRO Defence, Srinagar para koishe aro investigation toh itya samai jai ase koishe. Olop din akhe te Noor Bagh jaga Srinagar te police team ke Saturday din terrorists para hamla korishe koishe. “police team ekta perai thaka samai Noor Bagh, Srinagar te terrorists khan para goole marishe aro etu jaga para Terrorists khan pulai jaishe, etu samai police team para 1 pistol aro 1 AK-47 rifle paishe koishe. Police aro CRPF Reinforcement team para etu jaga toh bondh korikena search operation jai thakishe,” koikena Jammu & Kashmir Police para khobor toh janai thishe. J&K police laga khobor hesab te, terrorists khan para goole mara beche bantok toh jaja te rakina pulai jaishe koishe. Friday din te Kulgam district, Nehama jaga te nejana terrorists para labourer ek jun ke goole para mari thishe koishe.
J&K: Line of Control te terrorist thakia khobor
