Pudukkottai: Thudaiyur, Pudukottai district osor railway underpass te doctor ekta tai laga car paani jama kora te pasikena morishe koishe. Etu morai doctor toh Doctor S Sathya thakishe koikena jenishe. Etu samai doctor aro tai laga mother-in-law toh Hosur para tai laga bosti Thudaiyur te jai thaka samai underpass te car toh fasishe koishe. Khobor hesab te, Sathya toh saman bokai gari ekta laga beche-beche jai thakishe aro etu gari toh olaikena jaishe hoilebi, doctor toh etu rasta te paani pithor te morishe koishe. Dosura gari ekta te kam kora manuh khan ahikena tai tui(2) jun ke paani pithor te car par olaishe, hoilebi kali tai laga mother-in-law ke pachaboli parishe. Railway Department laga khobor hesab te, paani kerai toh 7:30 pm samai soruh hoishe aro etu station laga Stationmaster para koishe ke, etu samai Railway underpass te paani jama hoikena thaka nai koishe. Railway para be koishe ke, “paani jama howa toh hoile left side te nalla toh osor ghor manuh khan para tai khan laga ghor pithor te paani ahiboli nathibo nemite mathi para bondh korikena thaka nemite paani toh jama howa ase koishe. “September 17 darik te paani besi tangor kerai nemite upper bosti side para paani toh rasta te lama ase”, koishe.
