Ahmedabad: Iranian boat te 7 jun manu thakina herion toh Indian waters Gujarat coast te thurishe koishe. Etu operation toh state Anti-Terrorist Squad aro Coast Guard melikena kora samai thura ase, koikena officials para Sunday din te khobor toh janaishe. Etu boat toh operation samai thurishe aro contraband toh 30 para 50 kg neshina thakishe aro etu laga daam toh international markets 150 para 250 crore ase, hoilebi etu saman laga laga exact daam toh ketai vessel toh olaikena sabo etu samai janibo koishe. 7 jun crew members toh sob Iranian nationals thakishe, koikena officials para janaishe. “intelligence khobor hesab te, IndianCoastGuard aro ATS Gujarat para Iranian boat Indian waters te 7 jun drugs logot thurishe. Etu boat toh sobse osor port te investigations koriboli loikena ahishe,” koikena Gujarat defence PRO para official Twitter handle te janaishe. Gujarat ATS DIG Himanshu Shukla para PTI logot janaishe ke, etu operation toh konuba khobor powa nemite ase aro tai khan para herion toh paani rasta para loikena te aha samai thurishe. “join operation toh Indian Coast Guard te thakishe aro etu samai Iranian boat te 7 jun crew members ke thurishe. Ami khan laga hesab te 30-50 kg heroin toh 150 nahoile 250 crore toh boat te load hoikena thakishe.
Gujarat Coast te 7 Iranian logot drugs thurishe
