KOKRAJHAR: Wednesday din te 57 poachers para park te surrendered kora nemite Assam’s Raimona National Park te local communities khan para besi kushi powa janai thishe. Mathambill osor te notun national park bonaikena thaka te ceremonial function samai poachers para tai khan laga arms logot surrendered korishe. Bodoland Territorial Council (BTC) chief Pramod Boro para surrendered kora poachers aro tai khan laga family members logot dignity aro wildlife respect te notun zandaki soruh koriboli koishe. Boro para surrender programme thaka samai koishe ke, “aji din toh World Rhino Day ase aro joldi te notun park bonaikena thaka te rhinos ke reintroduce koribo. Etu jaga te rhinos 70-80 saal para thaki ase.” Wildlife hunters’ families ke motob kora te ek paar nemite sob manuh ke Rs. 50,000 para motob thishe. Boro para aro janaishe ke, tuita(2) weaving clusters toh bonaikena traditional culture othabo nemite Raimona National Park osor te bonaishe. Etu para community-based tourism aro conservation of traditional skills of local Communities khan ke bhal rasta te loikena jabo. Etu event samai Sanatan Deka of IFAW-WTI be samil thakishe. Deka para etu poachers khan ke local NGO Raimona Golden Langur Ecotourism Society and Anurag Singh, CCF aro CHD, Forest, BTC para motob koriboli janaishe. Ranjit Basumatary, executive member, forest department, BTC nemite etu tangor kamyaab hoishe aro koishe ke etu kam nemite national park te wildlife ke pachaikena rakibo.
World Rhino Day te 57 poachers surrender korishe
