JAIPUR, OCTOBER 13 : Saturday din kari chamala pora 8 jun muraidese aro 3 jun jukum huise. Etubi kedia tai kan berai thaka kari toh (car) toh Rajasthan laga Udaipur District te dangor kari (truck) ke laka-laki hua time te. Aro etu 8 jun manu muraidiya majutte 3 jun toh chotu bacha kan kobi Students kan ase koi kena, police pora khobor te janaise.
Etu kari (car) te pora jaa kan toh Picnic manabole nemite jai thaka laga ase. Etubi Salumbar Town pora Udaipur city te. Etu time te thik Khairad jaka te tusera dangor kari ke laka-laki huikena chamala huise koise.
Etu chamala te mura kan toh 3 jun kobi 4 sal pora 7 sal dangor Students ase, 4 jun toh Teachers kana se aro 1 jun toh etu School laga malik kan ase koise. Aro tusera jukum hua kan toh 2 jun bacha ase aro 1 jun Teachers ase koi kena, Police Official Shailendra Singh pora janaise.
Add Comment