Kohima, 11 November: State Level Catapult Competition nemite, Department of Tribal Affairs para 11th November, 2021 te ekta press conference toh conference hall, Directorate of Tribal Affairs, Kohima te loise. State Level Catapult Competition 2021 toh Department of Tribal Affairs, GoN, Nagaland Tribal Research Institute para loise aro Ministry of Tribal Affairs, GoI para sponsored korise.
Nodal Officer TRI, K. Ongligaku para media te koise, “Azad Ka Amrit Mahotsav” laga suman te aro “iconic week of Bhagwan Birsa Munda Birth Anniversary” mana laga part hisab te, kon Jharkhand para Indian Tribal freedom fighter thakise, besi events toh desh te 15th-22nd November 2021 te lobole ase. Department of Tribal Affairs para be 15th November, 2021 te 12:00 noon para State Level Catapult Target Hitting Competition toh heritage village, Kohima jaga te lobole ase koise.
Tai para event nemite hisha lowa khan toh alak alak Naga tribes of Nagaland para hobo aro sobse besi 30 hisha lowa hobo koise. Hisha lowa khan laga registration toh jaga/spot te 15th November, 2021 on 11:00 AM to 11:30 AM te lobole ase koise. Hisha lowa khan event nemite nejor laga traditional kapura/attires lakabole aro nejor laga traditional bags bokhibole koise. Target distances toh 100 metres hobo aro top three jeta khan ke cash award aro certificate debo koise. Event toh Addl. Secretary, Nchumbemo Lotha para inaugurate koribole ase koise.
Government laga mukshat/objective te yaat rakhi kena, Department para haraija aro paorija indigenous game te junibole aro renew koribole fesla korise. Etu nemtie Catapult toh week event nemite junishe koise. Department of Tribal Affairs para tribal youths ke hisha lobole aro event te dekhibole koise.
Add Comment