DIMAPUR, OCTOBER 13 : NDPP Party Rank aro File kan pora tai kan Party President Chingwang Konyak ke salam diya janaide thakise. Etubi 1st Jayaprakash Narayan Memorial Trust koi kena October 11, Rhodendron Hall, Police Guest House, Chumukedima Dimapur te Award baa nemite.
Etu Award baa toh Peace aro Social-Political Services kan nemite bhal pora kam julai kena thaka karne baa laga ase. Etubi Late Jayaprakash Narayan koi kena Nagaland Peace Centre ula manu laga 116th Birth Anniversary laga naam pora. Etu oporte NDPP Party kan porabi Jayaprakash Narayan Memorial Trust pora etu Chingwang Konyak ke Award nemite naam te anedebole kura karne besi khushi baa janaide thakise koise.
Etu kan sob oporte NDPP Party kan porabi tai kan President Chingwang Konyak ke ahebole time te bi bhal te kao thik-thak thakibole kuribi. Aro bhal kam kan kurikena jabole kuribi koi kena janaide thakise.
Add Comment