Tribute Programme loise

Kohima, 09 December: Memoriam te, ekta tribute programme Oting hatsa nemite 9^th December 2021 te Capital Cultural Hall, Kohima te loise.

Chief Minister, Neiphiu Rio para memorial message te Oting hatsa toh Arm Forces (Special Powers) Act, 1958 laga ekta misuse aro abuse thakise koise. Tai para be Act toh human rights lag violative ase aro Naga manu para etu te besi sal para kelaaf korise koise.

Rio para 14 victims laga bereaved families ke tai laga mondukh janaishe. Tai para be public ke gara aro mondangor thakibole koise aro patla lobole nahoile mari koraidebole nakoribole koise. Tai para etu toh violence te non-violence para yetibole samai ase koise aro manu khan violence avoid koribole aro desh te AFSPA nalakiya dekhabole koise. Tai para be society para kondu force te namanibo koise dukh para peace process jeta te beya koribole nemite. Chief Minister para bhabona/hope janaishe desh aro duniya para Nagas’ story te he jana nahoi kena kothom nahowa shanti nemite lakiya te be janibole.

Former Chief Minister, TR Zeliang para AFSPA hatabole nemite koikena etu para khali bekha aro dukh he annishe koise. Tai para karan khan para innocent civilians moraideya te justify koribole naparibo koise aro government para perpetrators ke justice te anibo nemite pura kosish koribole koise. Zeliang para be Indo-Naga political issue te final samai Oting hatsa toh ekta rude shock hisab te ahhishe koise.

President, Konyak Union Kohima, H Angnyei Konyak para Oting hatsa opor te janaishe. Tai para AFSPA hatabo nemite koikena desh para tusara Oting hatsa toh dekhibole monn nai koise. Tai be media para gali khobor phela te mondukh koise. Konyak para tai gratitude janaishe society laga alak alak sections para solitary/unity dekhaideya nemite.  

 Musical performances Kewhira Strings Quartet; Nagaland Conservatory of Music Choir; Sanctuary Choir, Union Baptist Church; Chubatola Imsong; TaliAngh & friends; Konyak Youths (East Story); Bozio Nienu aro Ameü ÜsouZao Choir para present kora thakise.

Programme laga chairperson, Senior Pastor, Kohima Ao Baptist Church, Rev Sentisashi Aier para introductory remark deshe. Deputy Chief Minister, Y Patton para vote of thanks deshe.