Assam Governor para Oncology book release korishe

GUWAHATI: Assam Governor Jagdish Mukhi para Guwahati, Raj Bhavan te book titled ekta ‘Principles & Practice of Oncology’ koikena released korishe. Etu book release kora function samai, Governor Mukhi para koishe ke, olop saal pithor te aradigm of cancer diagnosis aro etu bemar laga  treatment te besi tangor changes hoishe. Dr. B Borooah Cancer Institute para etu book published korikena nam tangor saman kora samai, Governor para koishe ke, etu institute toh sobse purana cancer centres ase aro etu institute toh Northeast majot te besi bhal para prevention, early detection, treatment aro cancer bemar toh bhal para elaj kori. Etu book para students besi faitha bapo aro desh pura te clinicians practice hobo, koikena Governor para aro janaishe. Mukhi para aro Department of Atomic Energy oper te etu Institute toh unit of Tata Memorial Centre, Mumbai 2017 saal te kula nemite kushi powa janaishe aro etu Institute toh besi bhal para develop hoikena jai ase koishe. Etu oper te Department of Atomic Energy aro Tata Memorial Centre para Assam,  Kamrup District te Dr B Borooah Cancer Institute laga motob te Azadi Ka Amrit Mohatsav celebrations samai two lakh maiki manuh ke common cancer saboli koishe. Advanced researches toh jai ase a ro notun medical innovations aro state-of-the-art treatment toh success rates othi ase aro cancer bemar para manuh mori thaka toh komti hoishe koishe. Tai para aro oncologists aro research scientists logot koishe ke, manuh ke educate koribo nemite cancer laga book te kam korikena manuh laga healthy lifestyle toh janiboli thiboli lage koishe. Governor para aro BBCI kam oper te congratulated korishe aro Indian writers logot medical textbooks published koriboli lage. Director, BBCI Dr. Amal Ch Kataki aro faculty members para book toh saikena oncology field te knowledge tangor hoikena jaboli janaishe.