DIMAPUR, OCTOBER 14 : Nagaland State VDB Secretaries Association pora Chief Minister Neiphiu Rio ke October 10 te matise. Etubi Civil Secretariat, Kohima te tai laga Office te.
Etu Association laga General Secretary Mathungo Kikon pora koa hisabte Chief Minister pora tai Association members logot besi mon dangor kura kotha janaide thakise koise. Etubi Bosti-bosti karne bhal pora ahkete luijaibole karne.
CM porabi VDB Team kan etu Association President Tohoshe Awomi pora ahkete luijai kena thaka ke tai kan Sorkar kan pora Department of Rural Development kan ke bhal kam kan kuridebole kuribo. Kele etu pora bosti kan ke ahkete luijaidebole karne huijaa hobo koi kena.
VDB Association porabi Chief Minister aro Sorkar kan ke besi khushi baa janaise. Kele tai kan VDB Secretaries aro Bosti Council Chairmen kan nemite Conference mana karne koi kena. Etubi April 18, 2018, Kohima te. Kele etu time te Sorkar kan pora bhal motub nemite Rs. 185 crores dese aro etu oporte Tractor 1 ta- 1 ta koi kena 11 district kan ke diya karne koi kena.
Etu Association porabi MGNREDS Job Card thaka manu kan nemite Direct Benefit Transfer ulaidiya ekta bhal aro motub baa laga ase. Etubi Sorkar kan pora ula. Aro etu pora bosti manu kan ke besi bhal aro motub hobole laga ase koi kena besi khushi baa janaide thakise koise.
Add Comment