Guwahati, July 16 : Assam laga ekjun manu para July 13 te Air India laga ekta call centre te call kurikina Delhi para Israel laga Tel Aviv jag ate jabole thaka ekta flight te hijack hobole laga khatra
Etu call kora manu laga naam tu Anuraag asey aro tai tu assam laga manu asey. Tai para koisey ki tai para kunba manu ke etu kuwa hunisey ki ekta Delhi para Tel Aviv(Israel laga jaga) te ja flight tu hijack hobole asey.
Etu hijack laga warning pa pichetey Delhi police para ekta case register kurisey.
FIR copy te enaka likhikina thakisey, “ Air India laga Delhi-Tel Aviv flight hijack hobole laga warning call pa pichetey Guwahati te BTAC (Bomb Threat Assessment committee) laga ekta meeting rakhisey aro 13 july te 9:16 am para loikina 11:15 am tak ekta special security committee bi rakhisey.
Etu case tu New Delhi laga Indira Gandhi International (IGI) airport police station te Indian Penal code (IPC) laga bisi alag alag section under te register hoisey.
Etu homoitey Delhi Police para etu case te ekta investigation launch kurisey.
Hoilebi taikhan para etya tak tu investigation kora homoitey eku suspect thaka laga kaam tu dikhanai.
Add Comment