Kohima, Nagaland, August 10, 2023: Manipur district laka Kamjong District deh Areca Nuts kan cross border smuggling kuribole koshish kura tho Assam Rifles kan para duri lui shae. Etu incident tho 8th August, 4am phale hui shae.
PVCP Bungdung deh gari kan keh routine checking kuri taka time deh check post para tuita truck keh rukai dishae. Utu tuita truck keh olop suspect taki shae kiba ekta buki ase kui nah etu karne rukai dishae. Truck keh bisari time deh 144 Areca Nuts laka bag paishae kuto laka value Rs. 8.64 Lakh taki shae. Utu Areca Nuts kan tho Namlee market para Ukhrul deh smuggle kuribole koshish kuri taki shae. Stores kan kutu recover kuri shae, utu kan tho Forest Beat Office keh di dishae. Aro dura ka manu Mohd Yafo aro Nashir Khan tho Imphal East laka Yaripok bosti para taki shae. Taijun keh tho SHO Kassom Khullen keh hand over kuri dishae investigate kuri bole.
Add Comment