Sports

Satwiksairaj-Chirag India laga agey Duo huishey Number One Spot pahunchiwoley BWF Rankings dey.

October 11, 2023
Denmark, 10 October : Itu star Indian mota laga doubles duo kun Satwiksairaj Rankireddy aro Chirag Shetty asey taijun para number one spot luishey Badminton World Federation (BWF) Rankings dey Tuesday, kuntu piche dey taijun first duo huishey desh para itu landmark pahunchiwoley. Taikhan laga gold medal jeet piche dey mota laga doubles competition agey dey khotom huaAsian Games dey, Hangzhou, ‘Sat-Chi’, duo nishina fans para jaaney,  tuita spots laga koot luishey top spot pawoley. Prakash Padukone, Saina Nehwal aro Kidambi Srikanth, piche dey taikhan toh fourth Indians asey top ranking paa toh.
 
“India laga top mota laga doubles pair Satwiksairaj Rankireddy aro Chirag Shetty tuita spots jump kurishey taikhan laga sobse bhaal career-high rank pawoley World No. 1 karoney, itia laga BWF World Rankings dey Tuesday. Taijun toh agey Indian duo asey aro fourth Indians legendary Prakash Padukone, Saina Nehwal aro Kidambi Srikanth piche dey itu jeet haasil kuria toh,” kuishey ekta statement Badminton Association of India (BAI) para media ke.
 
Sat-Chi’, duo nishina toh bishi manu para jaaney, taijun para Asian Championships gold luishey, Malaysia laga Ong Yew Sin aro Teo Ee Yi ke final dey 16-21, 21-17, 21-19 haraina itu saal April dey. Itu event dey taijun agey mota doubles huishey gold jitia toh.