Etu area te etu poster kun para lagaisey etu tu janibole paranai hoilebi Dadara Police para etu area te pungchikina poster khan ke hataidisey aro investigation suru kuridisey.
Etu poster khan te Assamese bhasa para enaka likhisey, “Himanta Biswa Sarma, apni laga kaam khan tu Assam nimitey biya asey aro apni para enaka kaam khan tu joldi rokhaidibo lagey nohoile amikhan para apni ke uraidibo.”
Etu poster te agey barikina Assamese bhasa para “Bhemese” koikina kunba manu nohoilebi kunba organization laga sign thakisey aro last line te “Iken Chelengi” likhikina thakisey.
Etu poster laga la area tu Guwahati laga Jalukbari area para 10 kilometre maan door te thakisey aro etu tu Hajo jaga laga under te girey.
Etu jaga tu bhak nuhuwa agey te, Jalukbari jaga laga ekta hisa thakisey kuntu ke Chief Minister Himanta Biswa Sarma para represent korey.
Police para etu mamla te investigation suru kuridisey aro local manu khan para detail jankari bisari asey.
Etu poster te, 3jun manu laga photograph bi thakisey hoilebi etu taikhan kun asey etu kunbi najaney.
Ekjun local manu para koisey ki etu poster tu kinaka nohoilebi kitya tatey lagaisey etu kunbi najaney. Hoilebi utu area te 4ta-5ta poster lagaikina thakisey.
Kunba manu khan para etu bi koisey ki kunba para etu poster ke jukabole nimitey dhala hobo hoilebi etu poster te dhomki diya tu halka para lobo naparey kilemaney etu dhomki tu rajya laga Chief Minister ke diya laga asey.
Add Comment