Sources para janaisey ki Mizo Zirlai Pawl (MZP) para koisey ki taikhan para utu manu khan ke election laga candidate banabole laga against te asey kun khan para tribal community laga bahar te shaddi kurisey. MZP para agey barikina behes kurisey ki kunba community khan tu taikhan laga nijor laga mati te aro bisi develop hoikina thaka alag community para minority hoikina thaki asey aro taikhna para Mizoram te enaka hobole nidibo. MZP para non-tribal mota khan ke shaddi kora maiki ke election te bhak lobole ticket diya laga khilaf te ja tu Mizo society ke majboot rakhibo koikina kora asey.
MZP para etu bi koisey ki kunba rajneetik party para etu warning diya laga against te kaam kurisey koiley taikhan laga kilaf te kara action lobole majboor hobo.
MZP para etu warning tu Election Commission of India (ECI) para olop din agey te Mizoram laga 40 member assembly election November 7 te hobole asey koikina ailan kora picheyte ahisey.
Mizo National Front (MNF) aro Zoram People’s Movement (ZPM) para taikhna laga candidate list tu already ailan kuri disey. Khobor pa hisap te, etya tak maiki candidate laga naam announce kora te kun maiki bi non-tribal manu ke shaddi kurikina nai.
Add Comment