October 17, 2023 : Lotha Catholic Khumshum Kohima (LCKK) para ekta prayer aru recollection organised kurishey, itu Diocese Jubilee laga preparation nimitey, October 15th, tey, SFS church Kohima tey, Rev. Fr. Glanson Chacko logotey, tatey speaker thaki kena.
Itu programme toh hoiley, “May my prayer be like incense in your presence, my uplifted hands like the evening sacrifice” – Psalms 141:2, theme under tey.
LCKK laga media cell para informed kurishey ki, itu programme toh hoiley Holy Rosary recite kuri kena shuru kurishey, aru itu pichetey itu Blessed Sacrament, healing aru deliverance laga exposition loishey.
Tai laga sermon tey, Rev. Fr. Glanson Chacko para highlight kurishey, prayer aru recollection laga importance opor tey, itu diocese jubilee nahoa laga agaey tey. Tai para mentioned kurishey ki, prayer, kuntu toh hoiley itu cornerstone asey faith laga, ekta central role play kurey, itu preparation tey.
Fr. Glanson para itu bhi koishey ki, itu recollection laga importance tey, ekta introspection aru self-examination laga practice, kuntu toh hoiley itu bhi ekta focal point hoi jai, itu lead-up jubilee tey. Itu programme toh hoiley ekta Holy Mass celebration logotey khotom hoishey, koi asey.
Add Comment