Guwahati, October 17 : Khasi Authors’ Society (KAS) para Meghalaya laga Chief Minister Conrad Sangma logotey ekta meeting rakhisey aro taikey Khasi bhasa ke Meghalaya laga official bhasa banaidibole request kurisey.
Etya, Meghalaya laga official language(bhasa) English asey aro Khasi aro Garo tu Meghalaya Language Act, 2005 laga under te duita associate official bhasa asey.
Meeting khotom huwa picheyte, media ke kotha kurikina, KAS President, DRL Nonglait para koisey, “Amikhan para sarkar ke Khasi bhasa ke Meghalaya laga official bahsa banaidibole request kurisey kilemaney etya tak Khasi tu ekta associate official language asey.”
Tai para enaka bi koisey, “Amikhan laga mother tongue ke kinaka alag bhasa logotey milabo parey? Amikhan para Chie Minister Conrad Sangma ke Meghalaya Language Act 2005 te bodli anibole request kurisey.”
Nonglait para etu bi koisey ki Garo language ke bi aro dusra official bhasa hobo parey kilemaney duita official bhasa thaka te eku biya nai.
KAS President para koisey ki CM para concerned department ke Constitution laga under te bana Acts aro provisions khan laga details te sabole aro atikey wapas report kuribole koisey.
KAS para CM Conrad Sangma ke India Union Home Minister ke Parliament laga next session te, Khasi ke Eight Schedule te dhalibole request kurikina ekta follow-up letter likhibole request kurisey.
Add Comment