Tel Avivi, October 24, 2023: French President Emmanuel Macron Tuesday din deh Israel deh ahi shae solidarity visit laka nam para. Tate tai para hostages kan kuto Hamas laka hath deh ase, etu kan keh baja bole military campaign laka first objective taki bole lakeh kui shae. Tai para aro jakara tho alak jaka deh spread nahu bole lakeh kui shae.
“Aji mukan laka first objective tho hostages kan keh release kuri bo karne ase eku distinction nata kina. Kile koile bacha, adults, bura manu, civilians aro soldiers laka life lokot kila tho bia ekta crime ase,” Macron para Israeli President Isaac Herzog lokot mila piche deh kui shae.
Hamas laka hamal kuto para 1,400 manu keh murai di shae, tateh para 30 manu tho French taki shae. Macron para notha French manu hari nah ase kui shae aro kom seh kom ekta tho Hamas gunmen para hostage lui nah ase kui nah confirm kuri di shae.
“Mui apni keh kubo mun jah tho, terrorism laka against war deh apni ekla nahoi,” Macron para Herzog keh kui shae. “Etu terrorist group lokot kili bole mukan laka duty ase kui nah papna kureh ami tho,” tai aro kui shae.
Macron tho aro Jordan laka King Abdullah, Egyptian President Abdel Fattah al-Sisi aro guld leaders kan lokot mili nah kotha kuri bole expect kuri ase, tai laka office para kui shae hoile b eku timetable tho dia nai.
Add Comment