Imphal, October 25 : Manipur laga Chief Minister N Biren Sigh para Wednesday (October 25) te media ke kotha kuri thaka homoitey koisey ki bisi alag alag quarter para Manipur laga sarkar ke mobile internet service ke bon kuribole karney pressure di asey.
Manipur laga CM para koisey, “ Amilaga sarkar para Manipur te etya chuli thaka situation te authority khan logotey mobile internet service ke wapas anibole nimitey ekta special meeting rakhibole tayari kuri asey.”
CM para koisey ki etu meeting tu Wednesday (October 25) te lobole thakisey aro etu meeting te etya laga situation aro mobile internet ke wapas chalu kuribole laga homoi thik asey na nai etu discuss kuribole nimitey rakhisey.
Manipur laga Chief Minister laga etu bayan tu enaka homoitey ahisey jitya All Naga Students’ Association, Manipur (ANSAM) para October 24 para bisi government office khan ke lock kurikina ekta kitya khotom hobole asey etu najana laga protest suru kuridisey. Government office lock kora te Manipur laga Naga manu khan thaka jag ate deputy commissioner khan laga office bi shamil asey.
May 3 te Manipur te gondogol suru huwa te 180 manu murijaisey aro 100 opor manu jokhom khaisey.
Add Comment