Guwahati, 28 October : Ekta mahila laga laash paishey bosta pitor dey ekta naala dey Assam Engineering Institute (AEI) ground osor dey Chandmari Guwahati dey Saturday, police kuishey.
Osor pirai thakia manu para itu bosta naala dey thakia dikhishey Saturday laga early hours dey aro local police ke janai dishey.
Chandmari police laga ekta team sniffer kutta logot itu jagah pahunjishey aro laash toh taikhan para lui jaishey. Forensic experts laga ekta team bhi ahishey itu jagah dey itu laash ke examine kuriboley.
Police para itia tak itu mahila ke identify kuriboley parianai nahuiley tai kinika murishey. Huilewi taikhan para shaak kuri asey ki tai laga hatya kurishey.
Police kuishey ki taikhan shaak kurey itu mahila laga hatya kurina taike itu naala dey phikai dishey. Police para ekta case register kurishey, agey investigation chalu asey.
Din agey dey, ekta 26-saal mota kun Rupam Das kuina janishey tai toh autorickshaw ekta dey muurina paishey Guwahati laga Uzan Bazar jagah dey Saturday subhaa dey.
Das toh drug addiction ladai kuri thakishey aro recently Durga Puja thakia homoi ghor dey madishey. Tai laga khantan shaak kuri asey ki tai laga hatya kurishey huilewi police para aro itu confirm kurianai.
Add Comment