October 29, 2023: UN Secretary-general Antonio Guterres para Saturday din deh Gaza deh bombardments hua aro bishi uthi jah tho criticize kuri shae aro phat ceasefire kuri lo b kui nah urged kuri shae.
“Rukhi jah bo kui nah papna kuri taki shae hoile b bombardments hui taka tho aro bishi hui jai ase. Enaka kura tho humanitarian objectives pura hatai di ase,” Guterres para taila Doha visit deh kui shae.
Saturday din deh Israel kan para taikan laka war kuto Hamas lokot ase, etu war tho nutun phase deh gui jai shae kui shae. Hamas gunmen kan October 7 deh Israel keh hamla kuri kina 1,400 manu kan murai di shae aro 220 hostages kan lui jai shae, Israeli official laka isap deh. Etu hua piche deh Israel kan dama dam taikan laka bombing campaign tho unleased kuri di sahe.
Hamas controlled health ministry kuto Gaza deh ase, taikan tho Israeli strikes para 7,703 manu murai di shae kui shae aro tateh bishi wak tho civilians kan ase. Utu number deh aro 3,500 kan tho bacha kan ase kui shae.
“Etu situation tho reverse kuri bole lakeh. Phat humanitarian ceasefire hobo lakeh kui nah mui aro kuia se. Etu lokot humanitarian relief deliver kuri bole lakeh aro hostages kan b release kuri bo lakeh. Mukan laka suku agae deh heh humanitarian catastrophe hui ase.” Guterres para kui shae.
Add Comment