Patna, November 1 : Officials khan para koisey ki Bihar laga Saran district laga Sayu nudi te jai thaka nao girija picheyte eighteen manu haraikina thakisey.
Jitya etu nao tu pani te ulta hoijaisey 3jun manu ke tu local manu khan para bachaisey. Dusra khan ke pani para loijaisey. State disaster response force (SDRF) personnel para etu manu khan ke bisarikina olabole nimitey ekta search operation launch kurisiely.
Saran district magistrate Aman Samir kun etu jag ate jaisey tai para koisey ki nao chola manu khan para 3jun manu laga dead body paisey.
Police para koisey ki etu accident tu Matiyar Ghat osor te hoisey kuntu toh Uttar Pradesh border para eman dur te thakanai. Aro accident huwa homoitey etu nao te 24-25 manu thakisey kuntu tu nao capacity para bisi asey.
Nao olta hoija tu kinimitey asey etu etya bi najanikina asey.
Aman Samir para koisey ki suru te inquiry kora para dikhaisey ki jitya nao olta hoijaisey nao te thaka manu khan tu achanak para nao laga ekta side te jai jaisey. Manu khan para kinimitey enaka react kurisey etu tu bhal para najanikina asey.
Official khan para koisey ki etu manu khan laga talashi kora tu Thursday din te continue kuribo.
Add Comment