Kolkata, November 5 : Sunday din laga Kolkata laga Eden Gardens te, India aro South Africa laga majotey World Cup cricket match nimitey black market para ticket bikri kora laga iljam te, Kolkata laga Police para BCCI president Roger Binny ke etu event nimitey ticket bikri kora laga jankari mangikina ekta notice pathaisey. Etu tu ekjun senior officer para koisey.
Etu officer para koisey ki Saturday shaam te diri para issue huwa etu notice te BCCI laga president ke Maidan police station laga utu officer ke document submit kuribole koisey kun para Sunday laga India-South Africa world cup match laga ticket ke black para bikri kora laga complaint pa te investigation kuri asey.
Etu officer para Press Trust of India (PTI) ke koisey, “BCCI president ke ekta notice pathaisey, kuntu te taikey Tuesday din laga working hours te, Maidan Police Station laga investigating officer ke nijor para nohoilebi kunba manu laga through para ticket bikri kora laga mamla te document dikhabole aro jankari dibole koisey.
Ticket ke black market te bikri kora laga mamla te 7ta case register kora laga alava Kolkata Police para etya tak 19 manu ke arrest kurisey aro taikhan laga haath para 108 ticket chinikina loisey.
Add Comment