New Delhi, November 6 : Delhi laga enivornment minister Gopal Rai para Monday din te announce kurisey ki November 13 para November 20 tak ekt hapta nimitey Odd- Even system te gari chola tu aro ekbar suru kuridibo.
Etu 0dd-Even system kuntu para gari khan laga license plate te thaka number laga last digit hisap te gari kuntu din te cholabole lagey aro kuntu din te nalagey etu faisla korey etu tarika tu Delhi te ekdam biya hoikina thaka air pollution(hawa letra huwa) laga mamla ke control kuribole nimitey homoi homoitey cholai thakey.
Gopal Rai laga etu faisla tu enaka homoitey ahisey jitya poluution tu bisi bari asey aro Delhi te boha manu khan laga gao ke affect kuribole laga chinta olai asey.
Rai para New Delhi te huwa ekta press conference te enaka koisey, “Air pollution nimitey, gari laga Odd-Even system tu 13 para 20 November take k hapta nimitey chulibo.”
Odd-Even Scheme laga under te, kun gari khan laga license plate laga number even number (0, 2, 4, 6, 8) para khotom hoi etu gari khan tu even tarik te hey chulibole allowed hobo aro number plate laga last digit odd number (1,3,5,7,9) para khotom huwa gari khan tu odd tarik te hey gari cholabole allowed hobo.
Sarkar para November 10 tak khali class 10 aro 12 ke charikina school khan ke bi bon kuribole koisey. Rai para agey barikina announce kurisey ki Delhi laga sarkari aro private office khan te kaam kora 50% staff khan ke ghor para kaam kuribole laga order diya laga faisla tu picheyte lobo.
Delhi laga Chief Minister Arvind Kejriwal para ekta uccha level laga meeting rakha picheyte bisi alag alag announcement kurisey. Etu meeting ke Gopal Rai, minister Atishi aro Saurabh Bhardwaj aro alag alag department laga official khan para attend kurisey.
Rai para koisey ki pollution laga level tu kali(Tuesday din) te komti hobole akha kuri asey kilemaney mosom laga anuman laga manu khan para hawa laga speed baribole asey koi asey.
Add Comment