New Delhi, November 9 : Ministry of external affairs para koisey ki November 7 te India para poila te Navy thaka utu 8jun manu logotey baat chit kuribole laga scond moka paisey kun khan ke Qatar court para mora laga sajai hunaisiley. MEA laga spokesperson Arindam Bagchi para Thursday din te ministry laga hapta te ekbar khobor diya homoitey enaka koisey, “ Qatar te court first instance(ekta jaga kotey case laga hearing first hoi nohoilebi case suru hoi) asey kuntu para etu 8jun Indian manu khan laga opor te faisla hunaisey. Etu faisla tu kunke bi janainidibole laga asey aro khali kanooni team logotey hey share kora laga asey. Etu mamla te ekta appeal kurisey.
Spokesperson Arindam Bagchi para koisey ki taikhan tu Qatar laga authorities khan logotey bi kotha kuri asey. Indian authorities khan etu 8 jun manu laga parivar khan logotey baat chit kuri asey aro minister S Jaishankar para taikhan ke lok kurisey aro etu bi koisey ki India para etu manu khan ke kanooni modod dibole continue kuribo.
Add Comment