Football camp aro exhibition match para electoral participation promote kuri shae.

November 9, 2023: November 9, 2023 deh Chief Electoral Officer, Kohima para Nagaland Sports Association lokot milai nah ekta two-day free football registration camp aro exhibition match organized kuri shae Kohima laka IG Stadium deh.

Inaugural ceremony deh Vihuzo Kense, SVEEP (Systematic Voters Education and Electoral Participation) icon kun Mr. Kohima 2022 aro Mr Mega Northeast 2023 laka title b buki ase, tai participate kuri shae. Tai para Electoral roll deh 18-19 sal kan register kuri bole kiman zaruri ase, etu laka kotha kuri shae. SVEEP tho electors kan keh registration process, name deletion aro correction kan kuri leh janai dibo karne program ekta ase.

Kense para SVEEP laka objectives kan tho multi-dimensional  structure ase kui shae kuto grassroot level para national level tak operate kureh kui shae. Tai para SVEEP camps kan tho November 3^rd, 4^th, 17^th aro 18^th deh organized hobo kui shae aro sob eligible manu kan keh enroll kuri b kui nah janai di shae.

Inaugural program tho Dr. Riku Khutso, Kohima laka Extra Assistant Commissioner (EAC) para chari kuri shae. Mini-tournament tho November 10^th deh shuru hobo kui nah schedule kuri nah ase. Etu piche deh District Election Office, Kohima aro Chief Electoral Office, Kohima majo deh ekta exhibiton match taki bo.