New Delhi, November 12 : East Central Railway Officials para koisey, “Saturday din te Delhi fale jaithaka train tu Jharkhand laga Koderma district te opor para electric wire achanak para bhaangikina gira picheytey rukhija homoitey achanak para hila nimitey duijun passenger murijaisey.”
Etu accident tu Saturday din laga 12.05 pm te Parsabad jaga osor te hoisey kuntu toh Gomoh aro Koderma railway station laga majotey asey. Etu ghotna tu titya hoisey jitya Puri- New Delhi Purushottam Express train laga driver para etu train laga opor te electric wire gira picheyte train ke rokhabole nimitey emergency brake cholaisey.
Dhanbad Railway Division laga Senior Divisional Commerce Manager Ameresh Kumar para koisey, “ Achanak para electric supply rukhi ja picheyte, train ke rokhabole nimitey emergency brake cholaisiley aro jerking huwa nimitey duijun manu murijaisey.”
Etu ghotna huwa homoitey train tu 120 kilometre per hour laga speed te chuli thakisey.
Koderma-Gomoh section te accident huwa picheyte, ECR laga Dhanbad Railway Division laga under te thaka grand chord line te train aha juwa kora tu 4 ghonta maan rokha picheyte hey wapas suru hoisey.
Etu Purushottam Express train ke accident huwa jaga para Gomoh jaga te ekta diesel engine laga modod para loijaisey aro picheyte Delhi te ekta electric engine laga modod para pathaidisey.
Add Comment